"Милан" ҳужумчиси Кристиан Пулишич Италия А Серияси доирасида ҳафта охирида бўлиб ўтадиган "Интер"га қарши дербидан умидлари билан ўртоқлашди.
"Милан" "Интер"дан кучлими? Дербида бизда буни аниқлаш учун ажойиб имконият бўлади. "Интер" кучли жамоа, унга қарши ўйнаш қийин. Ўтган мавсумда жамоа Чемпионлар лигаси финалига чиқди. У қандай ҳимояланишни ва гол уришни билади. "Интер"га қарши ўйинда гол уриш ёки голли узатма беришни орзу қиламан. Мен ҳам Чемпионлар лигасида шундай дербида ўйнашни хоҳлардим", - дея Пулишич сўзларини келтирмоқда Calciomercato.
"Милан" сафида А сериядаги учта учрашувида Пулишич иккита гол урди. Америкалик футболчи жамоага ўтган ёзда "Челси"дан келиб қўшилган эди.
