"ПСЖ" ҳужумчиси Килиан Мбаппе жамоасининг бўлажак ўйинида иштирок этишга тайёр.
24 ёшли футболчи Франция терма жамоасининг яқинда Германияга қарши ўртоқлик ўйинини ўтказиб юборди ва бош мураббий Дидье Дешам бунга юлдуз ҳужумчининг пайларидаги муаммолар сабаб бўлганини айтди.
RMC Sport хабарига кўра, Мбаппенинг жароҳати унчалик жиддий эмас - парижликлар ҳужуми етакчиси 15 сентябрь куни бўлиб ўтадиган "Ницца"га қарши Лига 1 учрашувида иштирок этиши кутилмоқда. Бироқ Луис Энрике футболчини 19 сентябрга белгиланган “Боруссия Дортмунд” билан Чемпионлар лигаси гуруҳ босқичининг 1-тур учрашуви учун асраши мумкин.
