"Манчестер Юнайтед" ҳужумчиси Антони Марсьяль келганидан сўнг деярли дарҳол клуб базасини тарк этди. Daily Mail нашри хабарига кўра, Марсьяль пайшанба куни 8:55 да клуб базасига етиб келди ва 8:59 да қайтиб кетди.
Марсьяль нима сабабдан кетгани ҳозирча номаълум.
"Манчестер Юнайтед" айни дамда Англия Премьер-лигаси доирасида "Брайтон"га қарши уй учрашувига тайёргарлик кўрмоқда. Жамоалар 16 сентябрь, шанба куни майдонга тушади.
"Манчестер Юнайтед" АПЛ турнир жадвалида 11-ўринда бормоқда. Охирги тўрт турда Эрик тен Хаг шогирдлари олти очкога эга бўлишди.
