"Арсенал" ярим ҳимоячиси Букайо Сака соғлиғи туфайли камдан-кам ҳолларда ўйинларни ўтказиб юборади. Бироқ футболчида аввалдан безовта қилиб келган Ахиллес муаммоси бор. Бу ҳақда Goal портали Daily Mail нашрига асосланиб хабар бермоқда.
Тахминларга кўра, Сака Англия терма жамоасининг Шотландияга қарши ўртоқлик учрашувини айнан шу муаммо туфайли ўтказиб юборган - футболчи вақти-вақти билан дам олиши керак.
"Арсенал" Букайо Сака муаммосини жарроҳлик амалиётисиз ҳал қилишига умид қилмоқда.
"Арсенал" Премьер-лигадаги навбатдаги ўйинини 17 сентябрь куни сафарда "Эвертон"га қарши ўтказади.
