АПЛ. Суперкомпьютер янги мавсум сўнггида қайси клублар ЕЧЛга чиқишини маълум қилди

Сунъий онг 2023/24 йилги мавсум сўнггида "Манчестер Юнайтед" ва "Челси" кучли тўртликка кира олмаслигини билдирди. АПЛда ЕЧЛга чиқиш борасида озгина ўзгариш юз беради. Қайд этилишича, "туманли Албион" клублари учун, эндиликда, бешинчи ўрин ҳам Европанинг энг нуфузли турнирига бориш учун етарли бўлиши мумкин. Аммо бу нарса мавсум давомида инглиз жамоаларининг еврокубокларда қанчалик яхши қатнашишига боғлиқ бўлади. Сўнгги 11 мавсумда 5 ўринни олганлар ҳам ЕЧЛга чиқиши мумкин эди. Аммо фақатгина 4 та клубга йўлланмалар тақдим этиб келинган.

"Opta" тақдим этган маълумотларга кўра, янги мавсум охирида "Манчестер Сити", "Ливерпуль", "Арсенал" ҳамда "Тоттенхэм"гина ЕЧЛга чиқиш имконига эга бўлади. Хусусан, бу борада "Манчестер Сити", "Ливерпуль" ва "Арсенал"нинг имкониятларини суперкомпьютер 80 фоиздан ортиқ деб билади. "Шаҳарликлар" эса 99.93 фоизлик ижобий эҳтимолга эга. "Тоттенхэм"ники анча кам, 31.68 фоизга тенг. Аммо "шпорлар" энг яқин таъқибчиси бўлган "МЮ"дан 3 фоиз кўп имкониятга эга. "Қизил иблислар"нинг эҳтимолий йўлланма олиши 4 та тур натижаларидан кейин 63.2 фоиздан 28.4га тушиб қолган.

Топ-клублардан кейинги ўринларда иккинчи эшелондаги жамоалар келади. Улар ичида "Брайтон", "Ньюкасл", Вест Хэм" ва "Астон Вилла" бор. Уларнинг имкониятлари 7 фоиздан 20 фоизгача баҳоланган. Бу ерда "Ньюкасл"ни алоҳида эътиборга олиш керак. Гарчанд жорий йилда ЕЧЛ иштирокчиси бўлса ҳам, Эдди Хау жамоаси бундан кейин очко йиғишга қийналиши айтилмоқда. "Брентфорд" 4.18 фоизлик еврокубок имкониятига эга ва бу нисбатан яхши кўрсаткич саналади. Топ-10 поғонасидан тушиб қолган ном эса сизни ҳайратга солиши аниқ.

Маурисио Почеттино шогирдларининг имкониятлари ЕЧЛ учун ўта паст деб ҳисобланмоқда. Суперкомпьютер "Челси"га атиги 1.3 фоизлик эҳтимол берган. Бир неча ҳафта олдин уларда 16 фоиз имконият бор эди. Аммо "Вест Хэм" ҳамда "Ноттингем"га учралган мағлубиятлар вазиятни ўзгартириб юборди.
Сунъий онг АПЛдан тушиб кетиш эҳтимолларини ҳам ҳисоблаб чиқди. Бу борада фаворит сифатида "Лутон" (68.15), "Шеффилд Юнайтед" (64.46) ҳамда "Эвертон" (52.34) номлари келади. Улардан кейин "Бёрнли", "Борнмут" ҳамда "Вулвз" қайд этилди. Лигадан тушиб кетиш масаласида "Челси"нинг имкониятлари 0.99 фоизга тенг холос.

ИСМАТОВ Ж.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

17/05 15:00	Комо	1-0	Парма
17/05 15:00	Женоа	1-2	Милан
17/05 15:00	Ювентус	0-2	Фиорентина
17/05 15:00	Пиза	0-3	Наполи
17/05 15:00	Рома	2-0	Лацио
17/05 16:30	Ман. Юнайтед	3-2	Ноттингем Форест
17/05 18:00	Интер	1-1	Верона
17/05 19:00	Эвертон	1-3	Сандерленд
17/05 19:00	Брентфорд	2-2	Кристал Пэлас
17/05 19:00	Лидс	1-0	Брайтон
17/05 19:00	Вулверхэмптон	1-1	Фулхэм
17/05 21:00	Аталанта	0-1	Болонья
17/05 21:30	Ньюкасл	3-1	Вест Хэм
17/05 22:00	Райо Вальекано	2-0	Вильярреал
17/05 22:00	Атлетико	1-0	Жирона
17/05 22:00	Осасуна	1-2	Эспаньол
17/05 22:00	Атлетик Бильбао	1-1	Сельта
17/05 22:00	Эльче	1-0	Хетафе
17/05 22:00	Леванте	2-0	Мальорка
17/05 22:00	Реал Сосьедад	3-4	Валенсия
17/05 22:00	Севилья	0-1	Реал Мадрид
17/05 22:00	Реал Овьедо	0-1	Алавес
17/05 23:45	Кальяри	2-1	Торино
17/05 23:45	Сассуоло	2-3	Лечче
17/05 23:45	Удинезе	0-1	Кремонезе
18/05 00:15	Барселона	3-1	Бетис
19/05 00:00	Арсенал	-	Бёрнли
19/05 23:30	Борнмут	-	Манчестер Сити

АПЛ. Суперкомпьютер янги мавсум сўнггида қайси клублар ЕЧЛга чиқишини маълум қилди

ЭНГ КЎП ЎҚИЛГАН ЯНГИЛИКЛАР