Италиялик ҳужумчи Марио Балотелли Швейцариянинг "Сьон" клуби билан шартномасини бекор қилди. Бу ҳақда журналист Фабрицио Романо маълум қилди.

Манбанинг хабарига кўра, италиялик футболчининг қайтишига Туркиянинг "Адана Демирспор" клуби қизиқиш билдирмоқда.

Эслатиб ўтамиз, 32 ёшли Балотелли 2022 йилнинг августида Туркиянинг "Адана Демирспор" клубидан ўтиб, "Сьон" футболчисига айланган эди. Италиялик ҳужумчи Швейцария клуби сафида 19та ўйин ўтказиб, 6та гол урган.

Балотелли аввалроқ “Монца”, “Брешия”, “Марсель”, “Ницца”, “Ливерпуль”, “Милан”, “Манчестер Сити” ва “Интер” клубларида ўйнаган. Шунингдек, у Италия терма жамоаси сафида 36 та ўйин ўтказиб, 14 та гол ва 5 та голли узатмага муаллифлик қилган.