«Ницца» Марокаш халқини қўллаб-қувватлаш мақсадида Франция чемпионатининг 5-турида «ПСЖ»га қарши махсус футболкада ўйнашини маълум қилди.

Оқ футболкаларда «Марокашни қўллаб-қувватлаш» логотипи акс этади.

«Бу футболкалар кейинчалик кимошди савдосида сотилади. Сотишдан тушган даромад қурбонлар ва қурбонларнинг оилаларига моддий ресурслар ва доимий ёки вақтинчалик уй-жой сотиб олиш учун ўтказилади», — дейилади матбуот хизмати хабарида.

«ПСЖ» – «Ницца» учрашуви 15 сентябрь, жума куни бўлиб ўтади. Учрашув 00.00да бошланади. Баҳс бир дақиқалик сукут билан бошланади.

9 сентябрь куни эрталаб Марокашда 7,2 магнитудали зилзила содир бўлди. Оқибатда 600 дан ортиқ одам ҳалок бўлди, 400 га яқин киши жароҳатланди.