«Nissa» Marokash xalqini qo‘llab-quvvatlash maqsadida Fransiya chempionatining 5-turida «PSJ»ga qarshi maxsus futbolkada o‘ynashini ma’lum qildi.
Oq futbolkalarda «Marokashni qo‘llab-quvvatlash» logotipi aks etadi.
«Bu futbolkalar keyinchalik kimoshdi savdosida sotiladi. Sotishdan tushgan daromad qurbonlar va qurbonlarning oilalariga moddiy resurslar va doimiy yoki vaqtinchalik uy-joy sotib olish uchun o‘tkaziladi», — deyiladi matbuot xizmati xabarida.
«PSJ» – «Nissa» uchrashuvi 15 sentyabr, juma kuni bo‘lib o‘tadi. Uchrashuv 00.00da boshlanadi. Bahs bir daqiqalik sukut bilan boshlanadi.
9 sentyabr kuni ertalab Marokashda 7,2 magnitudali zilzila sodir bo‘ldi. Oqibatda 600 dan ortiq odam halok bo‘ldi, 400 ga yaqin kishi jarohatlandi.
