Мюнхеннинг "Бавария" клуби январь ойидаги трансфер ойнасида марказий ҳимоячи Трево Чалобани ижарага олиш учун яна Лондоннинг "Челси"си билан боғланмайди. Журналист Кристиан Фальк берган маълумотларга кўра, ёзги трансфер ойнасининг сўнгги кунларида "кўклар" Чалобани "Бавария"га сотиб олиш ҳуқуқисиз 2,5 миллион еврога ижарага беришга тайёр эди. "Бавария" раҳбарияти бош мураббий Томас Тухелни жуда хафа қилган шартномани рад этди.
Эслатиб ўтамиз, Чалоба “Челси” устози Маурисио Почеттинонинг режаларига киритилмаган. Клуб январда марказий ҳимоячидан қутулмоқчи, чунки у бош мураббий фалсафасига тўғри келмайди.
Чалоба аввалроқ "Ноттингем Форест"га кўчиб ўтишдан бош тортган ва "Челси"да камида январгача қолишга қарор қилган.
