"Манчестер Сити" ярим ҳимоячиси Фил Фоден 23 ёшида "шаҳарликлар" билан клублар ўртасидаги жаҳон чемпионатидан ташқари барча мумкин бўлган совринларни қўлга киритганидан жуда мамнун. Хосеп Гвардиола жамоаси қишда ушбу турнирда иштирок этади.
"Бу ёшимда бунчалик кўп совринлар ютишимни тасаввур ҳам қила олмасдим. Бу қандайдир ҳазилга ўхшайди. Аксарият футболчилар бутун фаолияти давомида мен 23 ёшимда бўлгани каби кўп соврин ютишмайди" - деди Фоден BBC билан суҳбатда.
Фоден Англия Премьер-лигасининг янги мавсумида учта голли узатмани амалга оширган. Фаолияти давомида Фил 5 марта Премьер-лига чемпиони бўлди, 4 марта Лига кубогини, икки марта Англия кубогини қўлга киритди ва ўтган мавсумда Чемпионлар лигасида ғолиб чиқди.
