Туркиянинг "Бешиктош" клуби ўзининг расмий сайти орқали Швейцария терма жамоасининг собиқ футболчиси Гёкхан Инлер билан шартнома имзолаганини маълум қилди.

39 ёшли ярим ҳимоячининг "Бешиктош" билан шартномаси бир мавсумга мўлжалланган. Эслатиб ўтамиз, 2016 йилдан 2017 йилгача бўлган даврда футболчи Истанбул жамоасининг шарафини ҳимоя қилган.

Инлер ўтган мавсумни "Адана Демирспор" клуби аъзоси сифатида ўтказди. Ярим ҳимоячи Туркия чемпионатининг 28 учрашувида қатнашиб, иккита гол урди ва учта голли узатмани амалга оширди.

Швейцариялик футболчи "Наполи" ва "Лестер"даги ўйинлари билан ҳам танилган. Инлер инглиз клуби билан биргаликда 2016 йилда Премьер-лигада ғолиб чиқишга муваффақ бўлганди.