Каталониянинг "Барселона" клуби ҳали ҳам бош мураббийи Хави Эрнандес билан шартномани 2026 йилнинг ёзига қадар узайтиришга умид қилмоқда.

Журналист Фернандо Поло берган маълумотларга кўра, молиявий фейр-плэй билан боғлиқ муаммолар туфайли "кўк-анорранглилар" ҳали Хавини 2026 йилгача узайтиришга қурби етмаяпти, аммо клуб бу вазиятдан чиқиш йўлини қидирмоқда.

Муаммони ҳал қилиб бўлмаса, Хавининг шартномаси фақат 2025 йилгача узайтирилади. Эслатиб ўтамиз, мутахассиснинг Каталония клуби билан амалдаги шартномаси мавсум охирида якунига етади.

"Барселона" 2019 йилдан буён илк Испания чемпионлигини қўлга киритди ва Хави қўл остида 38 ўйинда атиги 20 та гол ўтказиб юборди.