"Реал"нинг собиқ ярим ҳимоячиси Луиш Фигу Жуд Беллингемнинг "Қироллик клуби"даги фаолиятини баҳолади. Эслатиб ўтамиз, 20 ёшли ярим ҳимоячи Испания Ла Лигасининг дастлабки тўрт турида 5 та гол урди ва 1 та голли узатмани амалга оширди.
“Беллингем жуда кучли бошлади ва “Реал”га тезда мослашди. Ёш бўлишига қарамай, у аллақачон сайёрамизнинг энг яхши футболчиларидан бири, шубҳасиз. Буларнинг барчаси у кўрсатаётган истеъдод ва хулқ-атвор туфайли", - дея Фигунинг сўзларидан иқтибос келтиради Мадрид клуби.
Эслатиб ўтамиз, Мадриднинг “Реал” клуби ўтган ёзда Беллингем учун Дортмунднинг “Боруссия” клубига 103 миллион евро товон пули тўлаган эди.
