Мадриднинг "Реал" клуби футбол дунёсидаги энг бой тузилмалардан биридир. Шунга яраша, раҳбарият ўз футболчиларига катта ҳақ тўлайди. Аммо Карло Анчелотти шогирдларининг қай бири ўз уйига энг кўп пулни олиб кетади? Шу саволга жавоб топиш учун қуйидаги статистикани ўқишингиз керак бўлади.
Испания гиганти сафида кўплаб юқори калибрли юлдузлар ҳаракат қилади. Улар ичида узоқ йиллардан бери клубга садоқат билан хизмат қилиб келаётган Модричдан тортиб, қисқа вақт ичида мухлислар ёқимтойига айлана олган Беллингемгача бор. Албатта, будай футболчилар арзон турмайди. Қолаверса, улар арзон-гаровга ҳам ишламайди.
"Реал", Европада футболчилари маош учун энг кўп сарф-харажат қиладиган клублардан бири ҳисобланади. Шунга яраша, мухлислар улардан ҳар йили қандайдир соврин кутишади. Ла-лиганинг энг катта маош оладиган 25 та футболчисининг 10 таси, айнан "қаймоқранглилар" сафида ҳаракат қилади.
Маълумотларга қараганда, ҳар йили "қироллик клуби" раҳбарияти 265 миллион 770 минг еврони маошлар учун сарфлайди. Бу эса ҳар ҳафта 5 миллион 110 минг евро деганидир. Аммо ушбу қийматнинг айнан қанча қисми кимлар чўнтагига кетяпти? Қуйида шу ва шу каби саволларга жавоб оласиз.
Эслатма: Маълумотлар "Capalogy" уэб-сайтидан олинган бўлиб, улар тахминий ҳисоб-китобларга асосланган. Клублар футболчилар маошини аниқ очиқламаслиги сабабли, биз энг яқин қийматларни тузишга ҳаракат қилдик.
1. Тони Кроос – 468 846 евро
2. Давид Алаба – 432 692 евро
3. Лука Модрич – 420 769 евро
4. Жуд Беллингем – 400 577 евро
5. Винисиус Жуниор – 400 577 евро
6. Тибо Куртуа – 288 462 евро
7. Антонио Рюдигер – 280 335 евро
8. Орельен Тчуамени – 240 385 евро
9. Ферлан Менди – 200 385 евро
10. Дани Себальос – 200 385 евро
11. Дани Карвахал – 200 385 евро
12. Лукас Васкес –180 385 евро
13. Кепа – 173 077 евро
14. Начо – 164 231 евро
15. Родриго – 160 192 евро
16. Эдуар Камавинга – 160 192 евро
17. Федерико Вальверде – 156 346 евро
18. Браим Диас – 140 192 евро
19. Эдер Милитао – 140 192 евро
20. Фран Гарсия – 100 192 евро
21. Арда Гюлер – 100 000 евро
22. Андрей Лунин – 54 038 евро
23. Хоселу – 48 077 евро.
ИСМАТОВ Ж.
