Туриннинг “Ювентус” клуби бош мураббийи Массимилиано Аллегри ярим ҳимоячи Пол Погбанинг допинг-тести ижобий натижа бергани билан боғлиқ вазият ҳақида гапирди.
"Майдондан ташқарида биз анча хотиржаммиз. Погба билан боғлиқ вазиятдан афсусдаман, лекин мен ҳеч нарса қўша олмайман ва тўғри иш - суд жараёни тугагунча кутиш. Келинг, суд жараёни тугагунча кутамиз, шундан сўнг “Юве” учун нима ўзгаришини айта оламан. Биз бор нарсаларга эътибор қаратишимиз керак. Погба жароҳатдан 30 ёшли футболчи сифатида қайтди ва у муваффақиятга эришиш учун қўлидан келганини қилди, аммо афсуски, ҳозирда ишлар унчалик яхши кетаётгани йўқ. У ҳали ҳам бошқа футболчилардан фарқ қилади. Бонуччи билан фарқлари борми? Погбага келсак, вазиятдан афсусдаман, биз Леонардо ҳақида кўп гаплашдик ва менимча, эртанги кунга қараган маъқул", - деди Аллегри Corriere Dello Sport билан суҳбатда.
