"Манчестер Сити" бош мураббийи Пеп Гвардиола ҳимоячи Кайл Уокер билан шартнома узайтирилгани ҳақида фикр билдирди ва бу футболчининг жамоа учун муҳимлигини таъкидлади.
"Кайл ҳақиқатдан ҳам муҳим, у жамоа учун муҳим шахс. Генетика нуқтаи назаридан, мен унга ўхшаган футболчиларни кўп кўрмаганман. Унинг қобилиятлари ноёб... У ўз устида ишласа, ҳеч қандай муаммо бўлмайди", - деди Гвардиола "Манчестер Сити" матбуот хизматига.
Ўтган мавсумда Уокер "Манчестер Сити" сафида барча мусобақаларда 38та ўйин ўтказиб, гол ура олмаган. Футболчининг "шаҳарликлар" билан аввалги шартномаси 2024 йилнинг июнь ойи охиригача тузилган. Transfermarkt портали футболчининг нархини 15 миллионга баҳоламоқда.
