"Manchester Siti" bosh murabbiyi Pep Gvardiola himoyachi Kayl Uoker bilan shartnoma uzaytirilgani haqida fikr bildirdi va bu futbolchining jamoa uchun muhimligini ta’kidladi.
"Kayl haqiqatdan ham muhim, u jamoa uchun muhim shaxs. Genetika nuqtai nazaridan, men unga o‘xshagan futbolchilarni ko‘p ko‘rmaganman. Uning qobiliyatlari noyob... U o‘z ustida ishlasa, hech qanday muammo bo‘lmaydi", - dedi Gvardiola "Manchester Siti" matbuot xizmatiga.
O‘tgan mavsumda Uoker "Manchester Siti" safida barcha musobaqalarda 38ta o‘yin o‘tkazib, gol ura olmagan. Futbolchining "shaharliklar" bilan avvalgi shartnomasi 2024 yilning iyun oyi oxirigacha tuzilgan. Transfermarkt portali futbolchining narxini 15 millionga baholamoqda.
