Софьян Амрабат "Брайтон"га қарши ўйинда майдонга тушмайди.
"Манчестер Юнайтед" бош мураббийи Эрик тен Хагнинг айтишича, ярим ҳимоячи шанба кунги ўйинда иштирок эта олмайди. Аммо у дебюти яқин эканини қўшимча қилди.
“Афсуски, Амрабат [Марокаш] терма жамоасидан жароҳат олиб қайтди, шу боис у шанба куни майдонга туша олмайди. Лекин мен уни тез орада кўрамиз деб ўйлайман”, деди Тен Хаг.
Амрабатни ёзги трансфер ойнаси ёпилиши арафасида "МЮ" "Фиорентина"дан ижарага олинганди. У ҳали клубда дебют қилганича йўқ.
Эслатиб ўтамиз, аввалроқ тен Хаг Мэйсон Маунт ва Рафаэль Варан ҳам "Брайтон"га қарши ўйнамаслигини айтган эди.
