"ПСЖ" ўз майдонида кутилмаганда "Ницца"га мағлуб бўлди (2:3).
Ўтган ёзда "ПСЖ" сафига қўшилган Усмон Дембеле ва Гонсалу Рамуш мағлубиятга учраган ўйинда Килиан Мбаппе билан ҳужумкор учликни ташкил қилишди. GFFN портали ҳар иккала янги футболчининг ўйинини 3 баллга баҳолади - бу Карлос Солер билан бирга учрашувдаги энг ёмон кўрсаткич.
"Дембеле келганидан бери олдинги ўйинлардагидек самарасиз ўйнади. У деярли дуелларда ғалаба қозона олмади ва жарима майдончасига аниқ узатма бера олмади. Рамуш майдонда ажралиб турмади, бироқ гол уриш учун битта имкониятга эга бўлди, бундан унумли фойдалана олмади", - дея таъкидлайди мутахассислар.
Дембеле ва Рамуш "ПСЖ" сафида тўрттадан ўйин ўтказган – иккаласи ҳам ҳали бирорта самарали ҳаракат қилишмаган.
