"Бавария" бош мураббийи Томас Тухель ярим ҳимоячи Жошуа Киммихнинг алмаштирилганини тушунтирди.
28 ёшли футболчи “Байер”га қарши ўйиннинг 61-дақиқасида алмаштирилди. Учрашув 2:2 ҳисобида якунланди.
“Жошуада оёқ тендони билан боғлиқ муаммолар бор эди, биз буни хавф остига қўйишни хоҳламадик. Тиббий жамоа у фақат 60 дақиқага майдонга чиқиши мумкинлигини аниқ кўрсатди, шунинг учун биз уни бир соатдан кейин майдондан олиб ташладик", - дея Тухель сўзларини келтирган Bayern & Germany.
Алмаштирилганидан норозилигини билдирган Киммихнинг ўзи ўйиндан кейин юзага келган вазият ҳақида изоҳ бермади: "Мураббийдан сўранг", - дея жавоб берди ярим ҳимоячи журналистларнинг майдондан кетиши яқинда олган жароҳати билан боғлиқми, деган саволига.
