"Бавария" бош мураббийи Томас Тухель жамоасининг "Байер" билан ўйиндаги (2:2) ҳаракатлари ҳақида гапирди.
“Биз биринчи 20 дақиқани ажойиб ўтказдик - бу даврда ўйин натижасини ҳал қилишимиз мумкин эди. Кейин биз назоратни йўқотдик ва ҳеч қандай сабабсиз 20 дақиқа ёмон ўтказдик. Иккинчи бўлимда ҳам худди шундай манзара кузатилди: гоҳида биз вазиятни назорат қилдик, гоҳида ҳаммаси нотўғри кетди. Якунда гол уриш бизга насиб қилди, бироқ орадан кўп ўтмай ҳакам жамоамизга қарши баҳсли қарор қабул қилди”, — деди Тухель ўйиндан кейин DAZN нашрига берган интервьюсида.
