"Манчестер Сити" бош мураббийи Пеп Гвардиола ярим ҳимоячи Калвин Филлипснинг жамоадан кетиши мумкин бўлганлиги ҳақида гапирди.
Ўтган йилнинг июль ойида "Лидс"дан "шаҳарликлар"га келиб қўшилган инглиз футболчиси Гвардиола жамоасида бор-йўғи 22та ўйинда иштирок этиб, фақат 4тасида асосий таркибда майдонга тушган.
"Биз у ва клуб билан ижаранинг мумкин бўлган вариантини муҳокама қилдик, чунки унинг ўйин дақиқалари кўп бўлмаган. Калвин қолишга қарор қилди ва биз бундан хурсандмиз. У яхши йигит, унинг бу ерда ўзини кўрсатишга бўлган интилиши жуда қимматлидир”, — деди испаниялик мураббий BeanymanSports нашрига берган интервьюсида.
Жорий мавсумда Калвин Филлипс “Манчестер Сити”нинг битта ўйинида қатнашди ва “Фулхэм” билан учрашув (5:1) якунида захирадан майдонга тушди.
