"Манчестер Сити" бош мураббийи Пеп Гвардиола жамоага янги келган Матеус Нунеснинг фазилатлари ҳақида гапирди.
“У жисмоний тайёргарлиги туфайли таянч ярим ҳимоячи, ҳужумкор ярим ҳимоячи ва ҳимоячи сифатида ўйнай олади. У тўпни қабул қилишни яхшилаши керак. Кевин каби тўпни бошқаришга ҳаракат қилса, ажойиб бўлади. Унинг кучи, бу фазилатини бошқа футболчилардан топиш қийин. У оддий нарсаларда аниқроқ бўлишни ўрганади", - деди испаниялик мутахассис.
Эслатиб ўтамиз, португалиялик ярим ҳимоячи 53 миллион фунт стерлинг эвазига "Вулверхэмптон"дан "Манчестер Сити"га ўтган эди.
