Мадриднинг “Реал” клуби ҳимоячиси Давид Алаба жамоадоши Жуд Беллингемнинг ўйини ҳақида гапирди.
Мавсум бошланишидан олдин "Боруссия Дортмунд"дан трансфер қилинган 20 ёшли англиялик футболчи "Реал Мадрид" учун тўртта ўйинда бешта гол урди.
“Мен Жудни аллақачон жаҳон даражасидаги футболчи сифатида кўрмоқдаман. Унинг дастлабки ўйинлардаги ҳаракати унинг характери ҳақида кўп нарсани айтади. У ўйинни жуда яхши тушунади, бу ҳатто машғулотларда ҳам сезилади. Беллингем ўз ёшига нисбатан жуда узоқни кўра олади, у хато қилмайди ва унинг барча ҳаракатлари маънога тўла. Бундан ташқари, у шунчаки ажойиб йигит. Уни порлоқ келажак кутмоқда”, - деди Алаба Bild нашрига берган интервьюсида.
