Хаби Алонсо «Байер»нинг Бундеслиганинг 4-турида «Бавария» билан дурангидан (2:2) мамнун.

Леверкузенликлар 94-дақиқада Эксекиэль Паласиос томонидан белгиланган пенальти эвазига мағлубиятдан қутулиб қолди.

«Ўйин шиддатли кечди, ҳар икки жамоада ҳам гол уриш учун кўплаб имкониятлар бўлди. Биз учун дуранг - яхши натижа.

Биз бошида муваффақиятга эриша олмадик, кейин эса кичик тузатишлар киритдик, шундан сўнг тўпни яхшироқ назорат қила бошладик ва имкониятлар пайдо бўлди.

Иккинчи бўлимда ўйин бироз тинчланди, тўпни яхши назорат қилдик. «Бавария» иккинчи голни урганида, биз энг яхши тарзда ҳимояланмадик, аммо охиригача курашдик», - деди «Байер» бош мураббийи.