«Рома» клуби ҳужумчиси Пауло Дибала жамоа мухлисларига мурожаат қилди.
«Қўллаб-қувватлаганингиз учун ўз номимдан ва жамоам номидан миннатдорчилик билдираман. Биз учун бу жуда муҳим.
Бу ерда ўзимни уйимдагидек ҳис қиламан. Мен ва оилам бу ерда ўзимизни қулай ҳис қилмоқдамиз. Саёҳат қилиб, шаҳардан завқ олишга ҳаракат қиламан.
Умид қиламанки, мен бу ерда узоқ вақт қоламан», - дея аргентиналик ҳужумчининг сўзларидан иқтибос келтиради Pagine Romaniste.
Эслатиб ўтамиз, Дибала 2022 йилнинг ёзида Рим жамоаси сафига келиб, уч йиллик меҳнат шартномасини имзолаган эди.
Италия чемпионатининг жорий мавсумида ҳужумчи битта учрашувда майдонга тушди.
