Мадриднинг "Реал" клубининг хорватиялик ярим ҳимоячиси Лука Модрич, жамоасини ушбу мавсумда Чемпионлар лигасининг фаворити деб ҳисоблашини айтди.
"Кейинги босқичда бизга ким тўқнаш келишидан қатъий назар, осон бўлмайди. Аммо биз бор кучимизни сарфлаб ўйнасак, устунлик бизнинг тарафда бўлади. Умуман олганда,“Реал" Чемпионлар лигаси фаворити", - дея Модричнинг сўзларидан иқтибос келтиради УЕФА расмий сайти.
Футболчи ўзи ҳақида ҳам фикрларини билдириб ўтди.
"Мен кундан-кунга ўзимни яхши ҳис қилаяпман. Уч ойдан бери жамоадан ва ҳамкасбларим ва устозимнинг талабларига ўрганиб кетдим. Мен ўз ўйинимдан мамнунман", - дейди футболчи.
