"ПСЖ" бош мураббийи Луис Энрике жамоа Килиан Мбаппе ўйинига боғлиқлиги ҳақида гапирди.
"Мбаппега қарамликми? Бу мени умуман безовта қилмайди. Жамоамдаги ҳар қандай ҳужумкор футболчи гол уриши мумкин. Килиан тез-тез гол уради, чунки голлар унинг ДНКсида бор. Ваҳоланки, бошқа футболчилар ҳам бунга қодир", - деди испаниялик мутахассис Lequipe билан суҳбатда.
Франция чемпионатининг жорий мавсумида Мбаппе тўртта ўйин ўтказди. 24 ёшли ҳужумчи ҳисобида 7 та гол бор.
Парижликлар ўзларининг сўнгги учрашувида ўз майдонида "Ницца"дан 2:3 ҳисобида мағлуб бўлишди. Мбаппе эса дубль қайд этди.
