«Челси» бош мураббийи Маурисио Почеттино жамоасига жиддий даражага эришиш учун вақт кераклигини айтди.

«Бир пайтлар ҳамма ёш эди. Терри ёш эди, Лэмпард ёш, Дрогба ҳам ёш эди. Ҳозир мен «Тоттенхэм» ёки «Саутгемптон»да кўрганимдан фарқли ўлароқ бу катта клуб – «Челси». Мен буни ёмонроқ ёки яхшироқ деб айтмаяпман. Лекин бу ҳар хил ҳолатларни, турли босимни келтириб чиқаради.

Бу «Челси»ни ўтмишдагиси билан солиштириб бўлмайди. Бу адолатли эмас, бу бошқа жамоа. Мухлислар ғалаба қозонишни хоҳлашади, чунки «Челси» учун ғалаба қозониш одатий ҳол эди.

Ҳозир бизда кўплаб иқтидорли футболчилар бор, уларга ўзини кўрсатиш учун вақт керак. Аммо келажак ҳақида гапирадиган бўлсак, бизда энг яхши ёш жамоалардан бири бор», - деди Почеттино.