«Chelsi» bosh murabbiyi Maurisio Pochettino jamoasiga jiddiy darajaga erishish uchun vaqt kerakligini aytdi.

«Bir paytlar hamma yosh edi. Terri yosh edi, Lempard yosh, Drogba ham yosh edi. Hozir men «Tottenxem» yoki «Sautgempton»da ko‘rganimdan farqli o‘laroq bu katta klub – «Chelsi». Men buni yomonroq yoki yaxshiroq deb aytmayapman. Lekin bu har xil holatlarni, turli bosimni keltirib chiqaradi.

Bu «Chelsi»ni o‘tmishdagisi bilan solishtirib bo‘lmaydi. Bu adolatli emas, bu boshqa jamoa. Muxlislar g‘alaba qozonishni xohlashadi, chunki «Chelsi» uchun g‘alaba qozonish odatiy hol edi.

Hozir bizda ko‘plab iqtidorli futbolchilar bor, ularga o‘zini ko‘rsatish uchun vaqt kerak. Ammo kelajak haqida gapiradigan bo‘lsak, bizda eng yaxshi yosh jamoalardan biri bor», - dedi Pochettino.