"Манчестер Сити" Кевин Де Брюйненинг янги шартномасини аввалдан режалаштирилганидан кечроқ муҳокама қилади.
Бельгиялик ярим ҳимоячи АПЛнинг 1-турида “Бёрнли”га қарши ўйинда жароҳат олган ва қишгача сафдан чиққан эди. Daily Star хабарига кўра, айнан шу сабабдан "шаҳарликлар" раҳбарияти Де Брюйне билан янги шартнома бўйича музокараларни кечиктирмоқда. 32 ёшли футболчи майдонга қайтганидан кейин томонлар музокараларни бошлаши кутилмоқда.
Кевин Де Брюйненинг "Манчестер Сити" билан амалдаги шартномаси 2025 йилнинг ўрталарига қадар мўлжалланган. Ярим ҳимоячи саккиз йилдан бери Манчестер гранди шарафини ҳимоя қилиб келмоқда.
