Испания терма жамоасининг собиқ ярим ҳимоячиси, ҳозирда Леверкузеннинг «Байер» клуби бош мураббийи Хаби Алонсога Европанинг топ-клублари орасида талаб катта.
Mundo Deportivo журналистларининг ёзишича, 41 ёшли мутахассис хизматларига икки гигант қизиқиш билдирмоқда. Гап «Реал» ва «Бавария» ҳақида кетмоқда. Ҳар икки клуб ҳам ёзги трансфер ойнасида Алонсони сотиб олмоқчи.
Хаби 2022 йилдан буён «фармацевтлар» бош мураббийи ҳисобланади. Ёз охирида томонлар 2026 йил ўрталаригача янги узоқ муддатли меҳнат шартномасини туздилар.
Эслатиб ўтамиз, ўтган куни Алонсо шогирдлари «Бавария» билан меҳмонда дуранг ўйнаганди (2:2).
