Лондоннинг «Арсенал» клуби ва Франция терма жамоаси афсонаси Тьерри Анри ҳужумчи Лионель Мессининг «ПСЖ»даги фаолияти ҳақида ўз фикрлари билан ўртоқлашди.
«Мессининг Париждаги икки йилидан ҳафсалам пир бўлдими? Йўқ. Нега? Чунки «ПСЖ»да ўйнаш азалдан бош оғриқ. Улар мукаммал тузилма ва ташкилотчиликка муҳтож. Қандай қилиб бир вақтнинг ўзида Месси, Мбаппе ва Неймарни ўйнатиш мумкин?
Аргентина терма жамоаси яхлит тузилмага эга. У ерда учта Месси йўқ, у ёлғиз. Уни ягона етакчи талаб этиладиган жамоага жойлаштириш керак», - деди Тьерри.
Лионель 2021 йилдан 2023 йилгача Париж жамоасида ўйнаган. Ёздан бери у «Интер Майами»да ўйнамоқда.
