«Манчестер Юнайтед»нинг собиқ ҳимоячиси ва амалдаги футбол эксперти Рио Фердинанд «Реал» ярим ҳимоячиси Жуд Беллингем ҳақида ўз фикрлари билан ўртоқлашди.
«Беллингемни Лэмпард ва Жеррард билан солиштиришади. Аммо уларнинг ҳеч бири Жуд ўз ёшида қилаётган ишни қилмади.
«Реал Мадрид»га ўтиш ва биринчи ўйинларда энг яхши бўлиш жуда зўр. Агар шундай давом этса, «Олтин тўп»ни қўлга киритади. Агар у ушбу совринсиз фаолиятини якунласа, ҳайрон қоламан», - дея Фердинанднинг сўзларини келтиради Daily Mail.
20 ёшли инглиз футболчиси ўтган ёзда «Реал»га ўтган эди. Беллингем Ла Лигада тўртта ўйин ўтказиб, бешта гол урди.
