Сўнгги уч ўн йиллик давомида Англия Премьер-лигаси дунёдаги энг яхши футболчилар макони бўлиб келмоқда
Қуйида «90min» нашрининг шундай юлдузлардан таркиб топган энг яхши жуфтликлар ҳақидаги ўзига хос рейтингини эътиборингизга ҳавола этамиз. Сиз уларни танийсиз ва ҳеч бўлмаса бир марта қаҳрамонликларидан баҳраманд бўлгансиз, бунга шубҳа йўқ.
5. Луис Суарес - Дэниел Старриж
Ҳа, деярли ўн йилдан бери Суарес ва Старрижлар бирга ўйнашмаяпти. Аммо уларни бир пайтлар тўхтатиб бўлмасди. Ҳужумчилар 2013|14 йилги мавсумда фантастик натижага эришади. Суарес ва Старриж биргаликда жами 52та голда бевосита иштирок этишган. Ўша мавсумнинг энг яхши тўпурарлари ҳам айнан шу жуфтлик эди.
4. Харри Кейн - Сон Хён Мин
Кейн ҳамда Сон Хён Минлар шу йилнинг февралида янги рекордга эришганди. Улар шу ойга қадар 47та голда қатнашиб, бу борада тенгсизга айланишди. Ушбу натижа қолган ҳар қандай футболчиларникидан 11тага кўпроқ эди.
3. Неманя Видич - Рио Фердинанд
Фердинанд «МЮ» ҳимоясида Видич билан ҳамкорлик қилган пайтлари, клуб 5 бор АПЛ, ЕЧЛ, клублар ўртасидаги мундиал ҳамда 3 марта Лига кубогини ўзиники қилади. Бу даражага, шубҳасиз яхши мудофаа орқали эришиш мумкин эди. Ўша ҳимоя эса Фердинанд ва Видичдан иборат бўлган.
2. Тьерри Анри - Деннис Бергкамп
Ушбу жуфтлик кўпчилик томонидан АПЛ тарихидаги техникаси энг юқори футболчилар сифатида тилга олинади. Бу эътироф бекорга эмас. Анри ва Бергкамплар «Арсенал» билан Англияда 3 бор йилнинг энг яхши футболчиси дея эълон қилинади. Ҳозир эса ҳар иккисининг ҳашамдор ҳайкалларини «Emirates» аренаси остонасида кўриш мумким.
1. Уэйн Руни - Криштиану Роналду
Сон ва Кейн энг кўп голларда қатнашган, Старриж ва Суарес эса йилни тўпурар сифатида тугатган жуфтликлар бўлса, Роналду ва Рунилар ўзига хослиги билан ажралиб турган. Улар 2000 йиллар ўрталаридаги энг сермаҳсул жуфтлик эди. Айнан ушбу ҳужумчилар даврида «МЮ» ўзининг энг шонли даврларини ўтказган. Соврин юриш борасида ҳам улар тенгсизлардан бири бўлди.
Д.АЛИМОВ тайёрлади
