So‘nggi uch o‘n yillik davomida Angliya Premyer-ligasi dunyodagi eng yaxshi futbolchilar makoni bo‘lib kelmoqda
Quyida «90min» nashrining shunday yulduzlardan tarkib topgan eng yaxshi juftliklar haqidagi o‘ziga xos reytingini e’tiboringizga havola etamiz. Siz ularni taniysiz va hech bo‘lmasa bir marta qahramonliklaridan bahramand bo‘lgansiz, bunga shubha yo‘q.
5. Luis Suares - Deniyel Starrij
Ha, deyarli o‘n yildan beri Suares va Starrijlar birga o‘ynashmayapti. Ammo ularni bir paytlar to‘xtatib bo‘lmasdi. Hujumchilar 2013|14 yilgi mavsumda fantastik natijaga erishadi. Suares va Starrij birgalikda jami 52ta golda bevosita ishtirok etishgan. O‘sha mavsumning eng yaxshi to‘purarlari ham aynan shu juftlik edi.
4. Xarri Keyn - Son Xyon Min
Keyn hamda Son Xyon Minlar shu yilning fevralida yangi rekordga erishgandi. Ular shu oyga qadar 47ta golda qatnashib, bu borada tengsizga aylanishdi. Ushbu natija qolgan har qanday futbolchilarnikidan 11taga ko‘proq edi.
3. Nemanya Vidich - Rio Ferdinand
Ferdinand «MYU» himoyasida Vidich bilan hamkorlik qilgan paytlari, klub 5 bor APL, YECHL, klublar o‘rtasidagi mundial hamda 3 marta Liga kubogini o‘ziniki qiladi. Bu darajaga, shubhasiz yaxshi mudofaa orqali erishish mumkin edi. O‘sha himoya esa Ferdinand va Vidichdan iborat bo‘lgan.
2. Tyerri Anri - Dennis Bergkamp
Ushbu juftlik ko‘pchilik tomonidan APL tarixidagi texnikasi eng yuqori futbolchilar sifatida tilga olinadi. Bu e’tirof bekorga emas. Anri va Bergkamplar «Arsenal» bilan Angliyada 3 bor yilning eng yaxshi futbolchisi deya e’lon qilinadi. Hozir esa har ikkisining hashamdor haykallarini «Emirates» arenasi ostonasida ko‘rish mumkim.
1. Ueyn Runi - Krishtianu Ronaldu
Son va Keyn eng ko‘p gollarda qatnashgan, Starrij va Suares esa yilni to‘purar sifatida tugatgan juftliklar bo‘lsa, Ronaldu va Runilar o‘ziga xosligi bilan ajralib turgan. Ular 2000 yillar o‘rtalaridagi eng sermahsul juftlik edi. Aynan ushbu hujumchilar davrida «MYU» o‘zining eng shonli davrlarini o‘tkazgan. Sovrin yurish borasida ham ular tengsizlardan biri bo‘ldi.
D.ALIMOV tayyorladi
