"Манчестер Юнайтед" "Реал Мадрид"нинг етакчи футболчиларидан бирини ўзига жалб қилмоқчи. Todofichajes хабарига кўра, уругвайлик ярим ҳимоячи Федерико Вальверде "Манчестер Юнайтед"нинг трансферлар рўйхатида.
Англия топ-клуби бошлиқлари ёзги трансфер ойнасида 25 ёшли футболчи учун кураш олиб боришни режалаштиришган. Федериконинг трансфери тахминан 100 миллион еврога баҳоланмоқда.
Испания чемпионатининг жорий мавсумида Вальверде 5 та ўйинда 1 та гол урди. Уругвайлик футболчи 2018 йилнинг ёзидан буён "Реал"да тўп тепмоқда. Ярим ҳимоячининг Мадридликлар билан амалдаги шартномаси 2026/2027 йилги мавсум охиригача амал қилади.
