Туриннинг “Ювентус” клуби ҳужумчиси Душан Влахович Массимилиано Аллегри жамоаси билан шартномасини узайтирмоқчи. Tuttosport нашри хабарига кўра, сербиялик футболчи шартномасини 2027 ёки 2028 йилгача узайтирмоқчи.
Қайд этилишича, Влаховичнинг агенти Дарко Ристич бир неча кун аввал Туринда кўзга ташланган. Тез орада янги шартнома бўйича музокаралар бошланиши кутилмоқда.
Влахович янги мавсумни ажойиб тарзда бошлади, Италия А Сериясининг дастлабки 4 турида 4 та гол урди ва битта голли узатмани амалга оширди.“Лацио”га қарши ўтган сўнгги ўйинда 23 ёшли ҳужумчи дубль қайд этиб, жамоасининг 3 очкога эга бўлишига ёрдам берди.
