Ҳужумчи Альваро Мората Италия футболига қайтиши мумкин. TodoFichaes хабарига кўра, 30 ёшли испаниялик футболчининг А Серияда иккита варианти бор. Шундай экан, Мората "Ювентус"га қайтиши ёки "Милан"да ўйнаши мумкин.
Қайд этилишича, туринликлар ва миланликлар Мората борасида ҳалигача қатий таклиф ишлаб чиқмаган. Шу билан бирга, форвард "Атлетико" билан шартномасини 2027 йилнинг июн ойи охиригача узайтирди, гарчи бу ҳақда ҳали расман эълон қилинмаган.
Ўз вақтида Алваро Мората "Ювентус" сафида 185 та ўйин ўтказиб, ўз ҳисобига 59 та гол урган ва шериклари учун 39 та голли узатмани амалга оширган.