Шанба куни “Манчестер Юнайтед” ўз майдонида “Брайтон”ни қабул қилди ва 1:3 ҳисобида мағлуб бўлди. Ўйин охирида ҳимоячи Аарон Уан-Биссака захирадан майдонга тушди. У майдонда кўп вақт ўтказмади ва тиззасидан жароҳат олди. The Athletic нашри хабарига кўра, Уан-Биссака икки ойга сафдан чиқди.
“Манчестер Юнайтед” навбатдаги ўйинини 20 сентябрь, чоршанба куни ўтказади. Эрик тен Хаг шогирдлари Чемпионлар лигаси гуруҳ босқичининг 1-турида меҳмонда “Бавария”га қарши баҳс олиб боради.
"Манчестер Юнайтед" айни дамда Англия Премьер-лигаси турнир жадвалида 13-ўринни эгаллаб турибди.
