"Барселона" бош мураббийи Хави Эрнандес ўз жамоасининг Чемпионлар лигасининг ўтган мавсумдаги ўйинига баҳо берди, каталонияликлар "Бавария", "Интер" ва "Виктория" жамоалари билан гуруҳда учинчи ўринни эгаллади.
"Ўтган мавсумда биз Чемпионлар лигасида ўйин сифати бўйича яхши ўйнадик, аммо натижалар бўйича эмас. Ҳозир эса биз кучайдик ва нималарга қодир эканимизни кўрсатишга тайёрмиз", - деди Хави матбуот анжуманида.
Эслатиб ўтамиз, янги Чемпионлар лигасида “Барселона” Бельгиянинг “Антверпен”, “Шахтёр” ва “Порту” клублари билан бир гуруҳдан жой олди. Хави Эрнандес шогирдлари илк учрашувни эртага "Антверпен"га қарши ўтказади.
