Япония чемпиони — "Санфречче Хиросима" ва Океания чемпионлар лигаси ғолиби — "Окленд Сити" жамоалари ўртасидаги баҳс билан клублар ўртасидаги жаҳон чемпионатига старт берилди. "Санфречче" бугун ташланган қуръа маросимида "Бунёдкор" билан бир гуруҳга тушгани ҳам ушбу ўйинга бўлган қизиқишимизнинг ортишига сабаб бўлди.

Ўйинда мезбонлар катта ташаббусга эга бўлишди. Янги зеландияликлар дарвобони ўйинни жуда яхши ўтказди ва "Хиросима"нинг бир қанча ҳамлаларини бартараф эта олди. Японлар яқин масофалардан гол ура олишмаганидан кейин, Аояма олис масофадан чиройли зарба билан ҳисобни очди. Ўйин сўнгида океанияликлар ҳужум зўр беришди ва имкониятлардан фойдалана олишмади.

"Санфречче Хиросима" энди чорак финалда Мисрнинг "Ал-Аҳли" клуби билан тўқнаш келади. Шунингдек, 1/4 финал босқичида Кореянинг "Ульсан Хёндэ" ва Мексиканинг "Монтеррей" клублари ўзаро рақиблик қилишади.

Клублар ўртасида жаҳон чемпонати.
Плей-офф. 6 декабрь
"Санфречче Хиросима" (Япония) - "Окленд Сити" (Янги Зеландия) - 1:0
Гол: Аояма (66)

Чорак финал. 9 декабрь
1. "Санфречче Хиросима" (Япония) - "Ал-Аҳли" (Миср)
2. "Ульсан Хёндэ" (Жанубий Корея) - "Монтеррей" (Мексика)

5-ўрин учун ўйин. 12 декабрь
1-ЧФ мағлуби - 2-ЧФ мағлуби

Ярим финал
12 декабрь. 1-ЧФ ғолиби - "Коринтианс" (Бразилия)
13 декабрь 2-ЧФ ғолиби - "Челси" (Англия)

3-ўрин учун ўйин. 16 декабрь
Финал. 16 декабрь