"Атлетико Мадрид" бош мураббийи Диего Симеоне Чемпионлар лигасидаги жамоаларнинг ўйини олдидан "Лацио" устози Маурицио Сарри ҳақида гапирди.
"Менга Саррининг ўйини доим ёқади, мен доим унга эргашганман. Мен ҳам жамоамни яхшилаш учун ундан илҳом олдим. "Лацио" яхши ҳимояланади, сон жиҳатдан устунликка интилади ва хавфли ўйинчиларга эга. Бу улар нимани хоҳлашларини биладиган жамоа ва биз уларга зарар етказишга ҳаракат қиламиз. Улар “Ювентус”га мағлуб бўлишди, аммо “Наполи”ни мағлуб этганларида ўзларининг ҳақиқий қиёфаларини кўрсатдилар.
Биз ҳам, “Лацио” ҳам мавсумни салбий бошладик. Лекин қандай бошлашинг муҳим эмас, қандай якунлашинг муҳим”, - деди Симеоне матбуот анжуманида.
