А Серияда эндигина 4-тур якунланади, аммо Opta таҳлилчилари аллақачон чемпионликни ким ютишини олдиндан башорат қилган. Чемпионлик учун олтита клуб даъвогарлик қилмоқда, аммо фақат биттасида реал имконият бор.

Кучли олтиликнинг бошланиши

"Лацио"нинг А Серияда ғалаба қозониш имконияти жуда оз - атиги 0,1%. Таҳлилчиларнинг тахминига кўра, "бургутлар" мавсум якунида 5-7-ўринларни эгаллайди.

Учталикдан ташқарида

"Аталанта"нинг имконияти бироз юқорироқ – 0,4%. Катта эҳтимол билан Жан-Пьеро Гасперини клуби мавсумни 5-6-ўринларда якунлайди. Таҳлилчилар бу натижани 19,7-24,3 фоизга баҳоламоқда.

Бронза медалларига асосий даъвогар

"Ювентус"нинг ҳам ғалаба қозониш эҳтимоли унчалик юқори эмас - 5,2%. "Бьянконерилар"да учинчи (24,5%) ёки тўртинчи (30,6%) ўринни эгаллаш имконияти кўпроқ.

Чемпионликка даъвогарлар

А Серияда ғалабага даъвогар "Милан" (12,5 фоиз). Таҳлилчиларнинг фикрича, "россонерилар" иккинчи (25,4 фоиз) ёки учинчи (29,1 фоиз) ўринни эгаллайди.

Титул ҳимояси?

Нашр мутахассисларининг фикрига кўра, "Наполи"нинг янги мавсумдаги чемпионлик имконияти – 19,4 фоиз. Тахминларга кўра, амалдаги чемпион катта эҳтимол билан кумуш (32,9%) ёки бронза медали (25,8%) соҳибига айланади.

Янги чемпион

Чемпионлик пойгасининг яққол фаворити "Интер". Унинг чемпионликни қўлга киритиш имконияти 62,4 фоизни ташкил этади. Opta "нерадзуррилар" кучли учликдан тушиб қолмаслигига ишонч билдирмоқда. Иккинчи ўринни эгаллаш эҳтимоли атиги 23,8%, учинчиси эса 9,4%.