"Ал-Ҳилол" бош мураббийи португалиялик Жорже Жезуш ўйиндан кейин "Навбаҳор" ҳақида жуда кескин фикрлар билдирди:
"35 йиллик мураббийлик фаолиятим давомида "Навбаҳор"дек вақт чўзадиган жамоани кўрмаганман. Бугунги натижа мени умуман хавотирга солмайди, чунки биз бугун футбол кўрмадик. Мен бундай зерикарли ва кулгули футбол ўйнаб кўрмаганман. Ҳакамлик даражаси эса рақибимизнинг даражаси билан бир хил эди", - дея мураббийнинг сўзларидан иқтибос келтирган Самвел Карленич телеграм-канали.
Шунингдек, Жезуш ўз футболчилари Салман Фараж ва Сауд Абдулҳамиднинг ўз даражаларидан анча паст ўйнаганликларини эътироф этди. Ушбу дурангдан сўнг "Ал Ҳилол" мухлислари Жезушнинг истеъфосини талаб қила бошлашди.
