"Ювентус"нинг машҳур собиқ дарвозабони Жанлуижи Буффон клубдаги сўнгги воқеалар ҳақида гапирди.
Ёзда "кекса синьора" раҳбарияти жамоа фахрийси Леонардо Бонуччи учун чиқиш эшикларини кўрсатди ва у охир-оқибат "Унион" Берлинга кўчиб ўтди. Яқинда Турин клубида янги муаммо чиқди: ярим ҳимоячи Поль Погба допинг-тестдан ўта олмади ва шу сабабли унинг шартномаси бир томонлама бекор қилиниши мумкин.
“Мен Бонуччини ҳам, Погбани ҳам яхши биламан. "Ювентус"да Аллегри ва яна бир қанча одамлардан ташқари бошқа одамлар ҳам ишлайди ва мен уларни билмаган ҳолда бу ҳақда очиқ гапиришни истамайман. Нима бўлаётганини тушуниш учун саҳна ортида содир бўлаётган воқеалардан хабардор бўлиш керак", - деди Буффон DAZN нашрига берган интервьюсида.
