Мадриднинг “Реал” клуби ҳимоячиси Дани Карвахаль жароҳат олди ва жамоасининг навбатдаги ўйинида иштирок этмайди. Эслатиб ўтамиз, эртага қироллик клуби Чемпионлар лигаси гуруҳ босқичида "Унион Берлин" билан ўйнайди.
Журналист Хосе Луис Санчес хабарига кўра, Карвахаль "Унион" билан ўйинда аниқ иштирок этмайди. "Реал" ҳимоячиси қанчалик жиддий жароҳат олгани ҳозирча маълум эмас. Бош мураббий Карло Анчелотти матбуот анжуманида футболчининг аҳволи ҳақида батафсил гапириб беради.
Янги мавсумда Карвахал Испания чемпионатида 5 та ўйин ўтказиб, битта голли узатмани амалга оширди.
