Сешанба оқшомида "Лацио" ва "Атлетико Мадрид" клублари Чемпионлар лигаси гуруҳ босқичининг биринчи туридан ўрин олган учрашувни ўтказишди. Ўйин 1:1 ҳисобида дуранг билан якунланди.
Айтиш жоизки, "Лацио" мухлислари "Атлетико”" бош мураббийи Диего Симеонени илиқ кутиб олишди. Ўз вақтида, 1999-2003 йилларда аргентиналик мураббий футболчи сифатида “бургутлар” сафида ўйнаган. 2000 йилда Симеоне ва Рим жамоаси Италия чемпиони бўлишди.
"Рим ва "Лацио" ҳар доим сизнинг уйингиз бўлиб қолади. Хуш келибсиз, Эль-Чоло, бизнинг Италия чемпиони" - деган баннерни трибунада римлик мухлислар илиб қўйишди.
Эслатиб ўтамиз, Диего Симеоне 2011 йил бошидан буён Мадриднинг “Атлетико” клубини бошқариб келмоқда.
