Мадриднинг «Реал» клуби бош мураббийи Карло Анчелотти УЕФА Чемпионлар лигаси гуруҳ босқичининг биринчи турида «Унион Берлин»га қарши ўйин ҳақида гапирди.
«Қироллик клуби» иккинчи бўлим охирида ягона голни киритиб, 1:0 ҳисобида ғалаба қозонди.
«Мен танаффусда жамоадан ғазабланмадим. Шунчаки бир нечта камчиликларни тузатдим ва йигитлардан дадилроқ ўйнашни сўрадим.
Рақиб ўйин сўнгига қадар толиқиб бориши аниқ эди. Охир-оқибат шундай бўлди. Учрашувнинг иккинчи ярмида биз муҳим тафсилотларга кўпроқ эътибор қаратдик», - деди Анчелотти.
Ярим ҳимоячи Жуд Беллингем қўшиб берилган вақтда ғалаба голини киритди.
