«Ливерпуль» бош мураббийи Юрген Клопп «ЛАСК»га қарши Европа лигаси гуруҳ босқичи 1-тур учрашувидан умидлари билан ўртоқлашди.
«Мен Австрия футболини биламан, лекин ҳеч қачон Линцда бўлмаганман. Биз фаворит эканлигимизни биламан, лекин биз бу ерга футбол ўйнаш учун келганмиз. Футболда ҳамма нарса бўлиши мумкин.
Бу ўйинни жиддий қабул қиламиз ва ундан максимал даражада фойдаланишни хоҳлаймиз. Биз мағрур эмасмиз, биз ғалаба қозонишни хоҳлаймиз.
Рақиб жуда барқарор, қанотлардан яхши фойдаланади, жарима зарбаларини яхши бажаради. Осон бўлмайди, агар сиз рақибга ўйнашга рухсат берсангиз, у бу имкониятдан фойдаланади», - дея Клоппнинг сўзларини келтиради УЕФА матбуот хизмати.
